Google ADS

Meta: 70 vatra aktive zjarri në Shqipëri po rrezikojnë rëndë pasuritë natyrore

22:38 | 2 Gusht 2021
Përparim Bublaku

Presidenti i vendit Ilir Meta deklaroi se janë rreth 70 vatra aktive zjarri në gjithë Shqipërinë, të cilat po rrezikojnë rëndë pasuritë natyrore.

Meta njoftoi të hënën në mbrëmje se situata e zjarreve është alarmante andaj duhet t’i drejtohemi Mekanizmit të Mbrojtjes Civile Europiane.

Nisur nga paralajmërimet e IGJEUM, presidenti tha se prej më shumë se një muaji ka kërkuar reagimin në kohë të strukturave përkatëse.

“Duke vlerësuar sakrificat e deritanishme të forcave zjarrfikëse, të personelit të Forcave të Armatosura dhe të Ministrisë së Brendshme, konstatoj se megjithatë situata po percipiton shumë rrezikshëm,” – shkroi Meta në Facebook.

Ai bëri thirrje për kthimin në detyrë të Drejtorit të Agjencisë Kombëtare të Mbrojtjes Civile, sjellja e të cilit sipas Metës është në kufijtë e shpërdorimit të detyrës.

Prej ditësh në të gjithë vendin janë regjistruar dhjetëra vatra zjarri nga Veriu në Jug ndërsa situata më problematike paraqitet në zonën e Karaburunit dhe Kurbinit.

Shpërndaje në rrjete sociale

Lajmet më të lexuara

Të ngjashme

Foto lajm