Një peshkarexhë në bordin e së cilës gjendeshin tre peshkatarë, babai dhe dy djemtë e tij është mbytur mesditën e kësaj të marte 3.2 milje larg Sazanit.

Falë ndihmës së menjëhershme të një anije tjetër peshkimi e më pas ndërhyrjes së rojës bregdetare, tre peshkatarët janë nxjerrë nga policia kufitare në portin e Triportit në Zvërnec.

Mezan Mezani, prej një jete peshkatar, qëndroi bashkë më dy djemtë në ujë për disa minuta.

Mezani dhe dy djemtë e tij punojnë prej vitesh me peshkimin, por situata e sotme ka qenë më e vështira që kanë hasur.

“S’kishim mundësi komunikimi, kemi qëndruar si në ato filmat, jo te anija se anija ishte përmbysur, kemi qëndruar lart. Dua t’i kërkoj ndihmë forcës detare, marinës sepse jo vetëm për mua si kapiten, se kemi punuar 20 vjet, por dëmi është jashtëzakonisht shumë i madh, mbi 220 mijë euro. Por edhe për anijet e tjera është pikë e rrezikshme, sepse është një anije që po mbahet thjesht nga kavot, pra është në mes të detit”, tha peshkatari.

Sipas peshkatarëve, anija e peshkimit e cila punon me tratë fundore ka ngecur në një bazament të rëndë, e ndërsa peshkatarët kanë tentuar të tërheqin tratën, rëndesa ka përmbysur anijen. /euronews