Google ADS

Masiv shkëmbor në rrugë, bllokohet Elbasan-Tiranë

11:34 | 9 Dhjetor 2017
Arbresh.info

Është bllokuar lëvizja në aksin nacional Elbasan-Tiranë për shkak të rrëshkitjes së një masivi të konsiderueshëm shkëmbor pranë fshatit Mamël, dy kilometra larg tunelit.

Shkëmbi është rrëzuar rreth orës 03:00 të së shtunës si pasojë e reshjeve të shiut, duke bllokuar lëvizjen nga Elbasani në drejtim të Tiranës, e cila aktualisht kryhet nga rruga e vjetër e Qafë-Krrabës, shkruan top channel.

Krahu i kundërt, ai nga Tirana në drejtim të Elbasanit është i hapur dhe funksionon normalisht.
Autoriteti Rrugor ka ndërhyrë bashkë me firmën e mirëmbajtjes duke vendosur sinjalistikën paralajmëruese si dhe po punohet për të rihapur plotësisht kalimin.
Aksi rrugor pritet të qëndrojë i bllokuar për rreth 2-3 ditë për shkak të sasisë së madhe të gurëve që kanë rënë në rrugë.

Kjo është shembja e tretë e regjistruar në këtë aks që ka çuar në bllokimin e qarkullimit, pas shembjes së madhe të kodres në Ibë dhe pas një shembjeje të dytë pak më tej./top channel

 

Shpërndaje në rrjete sociale

Lajmet më të lexuara

Të ngjashme

Foto lajm