Google ADS

Masakra në Velipojë, merret vendimi për Hasan Ferracakun dhe nipin e tij Elmidin Dylin

10:37 | 1 Korrik 2021
Trina Galanxhi

Gjykata e Shkodrës ka caktuar sot masën e sigurisë “arrest në burg” pa afat për Hasan Ferracakun dhe Elmidin Dylin, dy personat e plagosur në ngjarjen e Velipojës, të cilët u arrestuan si të përfshirë më masakrën që prodhoi katër të vrarë. Seanca është mbajtur në Spitalin e Traumës në Tiranë për shkak të gjendjes së vështirë shëndetësore të të plagosurve.

Mësohet se prokuroria kërkoi për të dy arrest në burg, ndërsa pala mbrojtëse kërkoi masë më të butë për 17-vjeçarin Elmilind Dyli, për shkak të moshës, por nuk u pranua nga gjykata. Gjithashtu bëhet me dije se në seancë dy të plagosurit nuk kanë dhënë deklarime.

Kujtojmë se masakra e Velipojës ndodhi në orët e para të mëngjesit të 27 qershorit ku si pasojë e një sherri për shezlongat u vranë 4 vetë. Viktimat janë Kujtim Ferracakut 59-vjeç, Xhovani Gocajt 25-vjeç, Edmond Gocaj 38-vjeç dhe Musaen Zeneli, viktima më e pafajshme vetëm 19 vjeç./albeu/

Shpërndaje në rrjete sociale

Lajmet më të lexuara

Të ngjashme

Foto lajm