Makina bie në greminë, plagosen 2 turistë francezë në Shqipëri

17:16 | 4 Qershor 2023
Orgesa Haziri

Dy turistë francezë mbetën të plagosur këtë të diel në fshatin Xibër Hane të Klosit.

Burime për Klan News bëjnë të ditur se ata udhëtonin me makinë, kur në rrethana momentalisht të paqarta përfunduan jashtë rruge.

Mjeti i turistëve mësohet se përfundoi rreth 100 metra poshtë në greminë. Ishin banorët e zonës të cilët u shkuan fillimisht në ndihmë, ndërsa njoftuan edhe policinë.

Dy turistët janë dërguar drejt spitalit të Traumës në Tiranë dhe gjendja e tyre shëndetësore momentalisht nuk dihet.

Ndërkohë në vendin e ngjarjes autoritetet vijojnë punën për zbardhjen e rrethanave të këtij aksidenti.

Shpërndaje në rrjete sociale

Lajmet më të lexuara

Të ngjashme

Foto lajm