Lojëra fati në një lokal në Lushnje, arrestohet menaxheri 32-vjeçar

15:46 | 13 Shkurt 2020
Arbresh.info

Një tjetër rast i veprimtarisë së kundraligjshme të lojrave të fatit është goditur në Lushnje.

Bazuar edhe në informacionet e marra në rrugë operative se në një lokal në lagjen “Xhevdet Nepravishta” zhvillohej veprimtari kriminale në fushën e lojërave të fatit, efektivët arrestuan në flagrancë shtetasin E.M., 32 vjeç, banues në Lushnje.

Arrestimi i këtij shtetasi u bë për veprën penale “Organizim i llotarive të palejuara”, pasi në ambientin e lokalit që ky shtetas menaxhonte, ushtronte aktivitetin e kundraligjshëm të lojërave të fatit.

U sekuestruan në cilësinë e provës materiale 3 laptop te markës “HP” me logo si ato të lojrave te fatit, 24 tableta të markës “ Samsung” me logo si ato të lojrave te fatit, 6 bileta si ato lojërave të fatit me siglën “Top Game Racing” dhe 2 printera, të cilat shërbenin për ushtrimin e lojërave të palejuara të fatit.

Materialet i kaluan Prokurorisë pranë Gjykatës së Shkallës së Parë Lushnjë për veprime të mëtejshme./TCH

Shpërndaje në rrjete sociale

Lajmet më të lexuara

Të ngjashme

Foto lajm