Liqenet e Rajcës, bukuria natyrore që po tërheq vizitor turistik

16:11 | 24 Prill 2017
Arbresh.info

Ndodhen në shpatin lindor të malit të Shebenikut, të vendosura në një cirk të madh kompleks akullnajor, në afërsi të fshatit Rajcë të rrethit të Librazhdit, 2200 m mbi nivelin e detit.

Janë katër liqene akullnajorë, me gjatësi e gjerësi mesatare 100 – 200 m dhe 80 – 100 m, thellësi deri në disa metra.

Janë të veçuara nga njeri tjetri prej depozitimesh morenike. Kanë ujë të pastër si kristali dhe të ftohtë.

Gjatë dimrit ngrijnë në sipërfaqe. Dallohen për botë të pasur të gjallë dhe formojnë një ekosistem interesant të liqeneve alpinë.

Kanë vlera shkencore, hidrologjike, biologjike, estetike, ekologjike turistike dhe kulturore.

Mund të vizitohen sipas rrugës rurale Përrenjas – Rajcë Skënderbej. Më pas ndiqet rruga këmbësore përgjatë shpatit lindor të malit të Shebenikut.

Shpërndaje në rrjete sociale

Lajmet më të lexuara

Të ngjashme

Foto lajm