Libri ‘provokues’ në panair, reagon Janullatos: Sulmi ka kaluar çdo kufij, por forca ime është e madhe

23:58 | 25 Nëntor 2017
Trina Galanxhi

Mediat greke e kanë konsideruar provokim prezantimin në Panairin e Librit të Tiranës të botimit “Djaj në Veladon” me autor Sejdi Kondin.

Në kopertinën e librit është stampuar ikonografia e Shën Kozmait dhe Kryepeshkopit të Kishës Orthodhokse, Anastas Janullatos me titullin “Djaj në Veladon”.

Libri në kopertinën e jashtme nuk përmban ndonjë shënim mbi shtëpinë botuese, por botimi prezantohej dhe shitej për publikun në stendën e “I Love Çamëria”, ku listoheshin kryesisht tituj librash mbi Çamërinë, shkruan Respublica.

Sipas mediave greke, libri nuk ka bërë përshtypje ndonëse në panair parakaloi thuajse gjithë kabineti qeveritar dhe presidenti i Republikës.

Janullatos i pyetur nga ANT1 bëri këtë koment:

“Forca ime është e madhe. Sulmi ka kaluar çdo kufij të arrogancës dhe provokimit, por nuk i ka kaluar kufijtë e mi të durimit dhe dashurisë. Me të tilla akte bëhen përpjekje të minohet harmonia fetare. Ne po luftojmë për bashkëjetesën harmonike”.

Shpërndaje në rrjete sociale

Lajmet më të lexuara

Të ngjashme

Foto lajm