Lezhë, terrorizuan banorët me breshëri, arrestohen 3 të rinj

09:24 | 16 Shkurt 2018
Arbresh.info

Policia e Lezhës ka arrestuar 3 të rinj të cilët kanë krijuar panik në qytet duke qëlluar me armë zjarri në ajër.

Ditën e enjte, rreth orës 14.30, në lagjen Varosh të qytetit të Lezhës, pranë hyrjes se një tuneli poshtë kalasë së qytetit, tre shtetas kanë qëlluar në ajër me një pushkë model 56, duke krijuar panik tek qytetarët.

Policia arrestoi 21-vjeçarin Markelian Pepa, 15-vjeçarin me iniciale E.M. dhe 15-vjeçarin tjetër me iniciale P.D.

Grupi hetimor në vendngjarje ka gjetur dhe sekuestruar në cilësinë e provës materiale, përveç armës, edhe 35 gëzhoja, 332 fishekë luftarakë, 8 granata dore dhe një pistoletë shenjëdhënëse.

Po gjatë kontrollit, grupi hetimor ka gjetur dhe sekuestruar edhe një sasi të vogël kanabisi./Top Channel

Shpërndaje në rrjete sociale

Lajmet më të lexuara

Të ngjashme

Foto lajm