Kryenin teste për COVID-19 në mënyrë të jashtëligjshme, arrestohen 5 persona në Durrës

12:12 | 5 Shtator 2021
V. S.

Pesë persona të cilët kryenin teste të shpejta të COVID-19, pa qenë të licensuar, janë arrestuar në Durrës.

Në operacionin policor “Laboratori”, u arrestuan në flagrancë E. H., 34-vjeçe, banuese në Tiranë; E. A., 24-vjeç, banues në Tiranë; E. Ç., 29-vjeç, banues në Tiranë; A. S., 24-vjeçe, banuese në Durrës; dhe A. P., 25-vjeçe, banuese në Durrës.

Gjithashtu, u shpall në kërkim shtetasi A. H., 30-vjeç, banues në Tiranë, për veprat penale “Kontrabanda me mallra të tjera”, “Fshehja e të ardhurave” dhe “Mashtrimi”.

Këta shtetas, në bashkëpunim me njëri-tjetrin, në një laborator në lagjen 4, duke përfituar nga situata e pandemisë COVID-19, kanë pajisur me test “Rapid”, 483 shtetas të cilët do udhëtonin në drejtim të Italisë, pa qenë të licensuar nga instancat përkatëse. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm