Google ADS

Kryeministri Rama arrin marrëveshje me naftëtarët

18:02 | 13 Nëntor 2020
Arbresh.info

Ka përfunduar takimi mes kryeministrit Edi Rama dhe naftëtarëve në Fier. Top Channel mëson se është arritur një marrëveshje mes palëve, ku parashikohet një pagë prej 40 mijë lekësh për 12 muaj.

Nga kjo marrëveshje pritet të përfitojnë 870 naftëtarë. Ndërkohë 18 mijë lekë të tjera për çdo punonjës për një vit rresht do të paguhen sigurimet shëndetësore. Pra në total për çdo muaj, për një vit rresht, naftëtarët do të marrin nga 58 mijë lekë.

Kjo marrëveshje mes qeverisë dhe naftëtarëve erdhi pas ndërprerjes së grevës që naftëtarët kishin nisur prej ditësh, ku kërkonin pagat e prapambetura dhe rikthimin në punë. Fillimisht ato nuk pranonin të uleshin për të biseduar me qeverinë, por pas thirrjeve të kryeministrit Rama për të ndërprerë grevën, u arrit një marrëveshje.

Shpërndaje në rrjete sociale

Lajmet më të lexuara

Të ngjashme

Foto lajm