Kryeministri i Malit të Zi: Demarkacioni s’do të jetë shkas që të prishen raportet me Kosovën

14:51 | 3 Prill 2017
Arbresh.info

Kryeministri i Shqipërisë, Edi Rama dhe homologu i tij malazez, Dushko Markoviq kanë zhvilluar sot një takim, ku kanë vlerësuar raportet e mira ndërshetërore.
Temë diskutimi në këtë takim ishte edhe çështja e demarkacionit të shtetit malazez me Kosovën, që nuk po mund të ratifikohet në Kuvend.

Edi Rama ka thënë se kjo çështje duhet të kryhet ashtu siç i ka hije, duke shtuar se Shqipëria nuk duhet të përzihet.

“Si një palë e tretë ne nuk kemi shumë lidhje me këtë çështje, shpresoj që kjo do të zgjidhet në atë mënyrë siç i ka hije”, ka thënë kryeministri shqiptar.

Kurse Markoviq ka deklaruar se demarkacioni nuk do të jetë shkas që të prishen raportet e Malit të Zi me Kosovën.

“Kjo lidhet me krijimin e kushteve politike në Kosovë. Mali i Zi nuk ka parashtruar asnjë kusht të veçantë për këtë çështje”, është shprehur kryeministri i Malit të Zi.

Në fund të takimit, Edi Rama ka deklaruar se në Mal të Zi ndihet sikur në Shqipëri, transmeton lajmi.net.

Shpërndaje në rrjete sociale

Lajmet më të lexuara

Të ngjashme

Foto lajm