Dy liderët e opozitës janë takuar mes tyre në selinë e partisë demokratike për të diskutuar mbi aksionin e ardhshëm politik, teksa dita e nesërme shënon seancën e rradhës së parlamentit.
Kryetarja e LSI-së Monika Kryemadhi ka shkuar në zyrën e Bashës për të mbajtur një takim mbi aksionin politik. Ende nuk ka detaje, por ajo që dihet është se ditën e nesërme PD do të mbledhë kryesinë dhe grupin parlamentar për të bërë një diskutim të situatës politike dhe mbi vendimmarrjen e ardhshme. A do të konsiderojë si opsion PD hyrjen në zgjedhjet e qershorit apo do të vijojë me aksionin e saj politik derisa qeveria të rrëzohet?
Mbetet për t’u parë se çfarë do të prodhojë diskutimi i nesërm në mbledhjen e PD-së me dyer të mbyllura.
“Të enjten ora 12.00 do të zhvillohet mbledhja e përbashkët e Kryesisë së PDSH dhe Grupit Parlamentar, nën drejtimin e Kryetarit Basha. Në rend dite do të jetë vlerësimi i situatës politike dhe vendimmarrja e strukturave të partisë mbi vijimin e aksionit politik”, thuhet në njoftimin e PD.
“Mirror”: Shqipëria, destinacioni më i kërkuar për pushime n...
Borrell zhvillon takim me liderët e Ballkanit Perëndimor të ...
Gërvalla në Takimin e Grave Ministre të Punëve të Jashtme në...
Policia jep detaje për vrasjen e Florim Zeqirit, rasti duke ...
Një i moshuar vdes në një kafiteri në Obiliq, policia nis he...
Superliga vazhdon sot me dy superduele