Google ADS

Kryemadhi: Rama i hapi gropën vetes, opozita merr 100 deputetë

15:23 | 30 Korrik 2020
A. B.

Kryetarja e LSI-së Monika Kryemadhi me anë të një reagimi për miratimin e ndryshimeve kushtetuese ka thënë se opozita në zgjedhjet e ardhshme do të marrë 100 deputetë duke mos shqetësuar për formulën e koalicioneve.

Më tej ajo hodhi akuza ndaj kryeministrit Rama duke thënë se i ka hapur ‘gropën vetes’

Reagimi i Kryemadhit:

“Sot Edi Rama i hapi gropën vetes. Kjo gropë nuk ka për ta shpëtuar, do të mbytet në ujërat e zeza të fekaleve. Këshilli politik është një institucion i kërkuar nga BE-ja, sigurisht që do të jemi pjesë. Vendimet që mori sot Edi Rama bashkë me viktimat e tij izoluan Shqipërinë dhe ju bëj thirrje shqiptarëve, po jua shqiptoj; do u heqin të drejtën e lëvizjes së lirë, do të fillojë bllokimi dhe izolimi, do të bëhen shqiptarët viktima të trafikimit të vizave, do të jemi të izoluar. Rasti më i mirë i PS-së do të jetë me 40 deputetët, 100 janë të opozitës në zgjedhje. Po çahet guri nga urrejtja për Edi Ramën” tha ajo.

Shpërndaje në rrjete sociale

Lajmet më të lexuara

Të ngjashme

Foto lajm