Të hënën të gjithë duhet të jeni në protestë në krah të studentëve, pa asnjë flamur partiak, pa kartë anëtarësie, por vetëm mbi një flamur: Atë kombëtar.

Ky ishte apeli i fortë që bëri këtë të shtunë nga Durrësi, kryetarja e Lëvizjes Socialiste për Integrim Monika Kryemadhi. Gjatë një takimi me strukturat e partisë në qytetin bregdetar, Kryemadhi i bëri thirrje të gjithëve të bashkohen me studentët.

Kryemadhi tha se studentët nuk pranojnë të negociojnë, sepse e dinë se shefi i qeverisë këto takime i konverton në para dhe në vende pune.

“Edhe Edi Rama ndihet i pakënaqur për veten e tij. Sot ata vijojnë ë të jenë qendre starë në kërkesat e tyre, të cilat janë minimale. Ata janë të drejtat e tyre e studentëve dhe përgjegjësi e institucioneve. Një nga kërkesat tona ishte, nga sot, por nga dje të gjithë anëtarët e LSI duhet të harrojnë që janë anëtarë të LSI dhe të behën prindër Dëgjojmë studentët që thonë se nuk ka negociata, normal që nuk ka, sepse ata e dinë shumë smirë se Edi Rama e këmben dhe e konverton në para, leje ndërtimi apo edhe në Off-shore. Çdo negociatë është marrja e frymës për ta. Nuk ka si të negociojnë sepse në parlament i kishte kërkesat, por nuk mori mundimin t’iu shfletojë. Erdhi si rezultat i ekonomive të shqiptarëve, erdhi si rezultat i përqendrimit të ekonomisë në duart e 5 njerëzve. Të hënën të gjithë t’iu bashkoheni studentëve në Tiranë, pa flamuj partiakë, pa kartë anëtarësie, se ndryshe do të jenë shumë vonë për ta, për ne dhe për të gjithë Shqipërinë. Secili nga ju të këtë edhe dhjetë vetë me vete”, tha Kryemadhi.