Kriza politike, nis përballja e dytë mes Ramës dhe Bashës

19:49 | 4 Maj 2017
Arbresh.info

Kryeministri i Shqipërisë, Edi Rama ka mbërritur i pari në Presidencë, ku pritet të zhvillohet takimi i dytë mes tij dhe kreut të PD-së, Lulzim Basha.

Rama, pasi ka lënë ambientet e Kryeministrisë, e ka përshkruar në këmbë rrugën derti në ambientet e Presidencës.

Ndërsa, vetëm pak minuta më pas është parë të futet në Presidencë edhe kreu i PD-së, Lulzim Basha.

Takim i ditës së sotme vjen pas negociatave të shumta që ambasadorët kanë zhvilluar për të pasur një zgjidhje të krizës politike, në mënyrë që opozita të futet në zgjedhje.

Kujtojmë se takimi i parë u mbyll pa një marrëveshje mes dy palëve.

Po ashtu, ndryshe nga formati i takimit të parë, Basha dhe Rama do jenë vetëm në praninë e presidentit të Republikës, pa praninë e kryetarëve të grupeve përkatëse.

Shpërndaje në rrjete sociale

Lajmet më të lexuara

Të ngjashme

Foto lajm