Konteinerët me mbetje, Hoxha: Po krijohen kushte sigurie për t’i zbritur nga anija në Durrës

12:30 | 7 Nëntor 2024
E.K

Ministri i Brendshëm i Shqipërisë, Ervin Hoxha tha se 102 konteinerët e sekuestruar në portin e Durrësit me afro 2100 ton mbetje të dyshuara si të rrezikshme shumë shpejt do të zbresin në një hapësirë publike.

Duke iu përgjigjur interesit të deputetit të Partisë Demokratike, Agron Shehaj, ministri Hoxha theksoi se “Prokuroria e Rrethit Gjyqësor Durrës ka bërë një njoftim publik në bashkëpunim me Policinë e Shtetit, Agjencinë Doganore dhe Autoritetet Portuale se po ekzekuton vendimin dhe urdhrin e marrë nga kjo prokurori”.

“Shumë shpejt konteinerët do të zbresin në një hapësirë publike, e cila po krijon kushtet dhe mundësinë sipas kapaciteteve dhe infrastrukturës për çështjet e sigurisë në ambientet e Durrësit”, tha Hoxha.

Anija turke “Molivia” që mban mbetje të dyshuara toksike në 102 konteinerë vazhdon të qëndrojë në ujërat e radës që prej 28 tetorit të këtij viti./atsh.al

Shpërndaje në rrjete sociale

Lajmet më të lexuara

Të ngjashme

Foto lajm