KLSH shkarkon nga detyra dy gjyqtarë

23:03 | 9 Maj 2017
Arbresh.info

Këshilli i Lartë i Drejtësisë gjatë mbledhjes së zhvilluar ditën e sotme ka vendosur shkarkimin e dy gjyqtarëve, të cilët janë dënuar tashmë në formë të prerë edhe nga Gjykata e Apelit.

Ata janë Ibrahim Hoxha, gjyqtar i dhomës civile në Tiranë dhe Shyqyri Çobo, gjyqtar i Beratit.

Hoxha është dënuar me dy vite për akuzën e korrupsionit nga Gjykata e Krimeve të Renda, pasi ka marrë një rryshfet prej 600 mijë lekësh për dhënien e vendimit  në favor të një pale gjatë një procesi gjyqësor për çështje pronësie.

Nga ana tjetër gjyqtari Çobo është dënuar me 1 vit e 8 muaj shërbim prove për akuzën e shpërdorimit të detyrës dhe ngacmimit seksual ndaj një  gruaje e cila ishte në proces divorci me të shoqin./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm