Kishin mbetur në det të hapur, shpëtohen 4 pushues në një skaf

20:43 | 21 Gusht 2022
E.H

Policia kufitare e Shëngjinit ka shpëtuar 4 pushues që për shkak të një defekti në skafin e tyre, kishin mbetur në det të hapur.

Katër pushuesit kishin patur mënyrë t’i telefononin Policisë Kufitare, duke deklaruar se nuk mund të ktheheshin në breg.

Skafi ndodhej në zonën e Kune Vajinit, pikërisht në atë që quhet “Grykëderdhja e Drinit”, rreth 1.3 milje larg bregut, në një zonë të vështirë për të manovruar.

Shërbimet e Policisë Kufitare kanë tërhequr dhe nxjerrë në port mjetin lundrues skaf, bashkë me 4 shtetasit, të cilët janë në gjendje të mirë shëndetësore./A2CNN/

Shpërndaje në rrjete sociale

Lajmet më të lexuara

Të ngjashme

Foto lajm