Kapet në Vlorë 36-vjeçari i shpallur në kërkim nga Italia për trafik droge

10:43 | 31 Maj 2019
Arbresh.info

Policia e Vlorës ka vënë në pranga një 36-vjeçar të shpallur në kërkim ndërkombëtar për trafikim të lëndëve narkotike.

I kërkuari nga Italia me iniciale R. K., banues në Fier, u kap në një lokal në lagjen pavarësia.

“Në një lokal në lagjen “Pavarësia”, Vlorë u arrit kapja dhe arrestimi i shtetasit R. K., banues në Fier. Gjykata e Breshias/Itali në vitin 2018, ka lëshuar urdhër arresti ndërkombëtar ndaj tij për veprën penale ‘Pjesëmarrje në organizatë kriminale me qëllim trafikimin e lëndëve narkotike, kryer në bashkëpunim’ sipas Kodit Italian, ku maksimumi i dënimit është deri në 20 vite burgim,”-raporton policia.

Materialet i janë referuar Prokurorisë pranë Gjykatës së Shkallës së Parë Vlorë për veprime të mëtejshme./ora news

Shpërndaje në rrjete sociale

Lajmet më të lexuara

Të ngjashme

Foto lajm