Google ADS

Kapet 50-vjeçari në Shkodër i dënuar me mbi 9 vite burg në Itali, pritet ekstradimi i tij

16:17 | 15 Janar 2023
KRG

Tolin Fufi, 50 vjeç ka rënë në prangat e policisë së Shkodrës si i dënuar nga Italia për trafik droge. Ai është i dënuar me 9 vite e 4 muaj burg nga Gjykata e Milanos për veprën penale “Shkelje e ligjit mbi narkotikët”,  parashikuar nga Kodi Penal Italian.

Policia njofton se janë duke punuar me autoritetet përkatëse për të ekstraduar 50-vjeçarin drejt Italisë.

Njoftimi i Policisë Shkodër:

“Specialistët e Seksionit për Hetimin e Trafiqeve dhe Narkotikëve  bënë ndalimin  me qëllim ekstradimin drejt Italisë të shtetasit Tolin Fufi, 50 vjeç, banues në  Shkodër.  Gjykata e Milanos, Itali, me vendim të datës 31.01.2022, e ka dënuar  këtë shtetas me 9 vite e 4 muaj burg, për veprën penale “Shkelje e ligjit mbi narkotikët”,  parashikuar nga Kodi Penal Italian.  Interpol Tirana në bashkëpunim me autoritetet ligjzbatuese  po kryen veprimet për ekstradimin e këtij shtetasi drejt Italisë.”

 

Shpërndaje në rrjete sociale

Lajmet më të lexuara

Të ngjashme

Foto lajm