Google ADS

Kacifas i arrestuar për hashash, s’ishte pjesë e “Agimit të Artë”

21:48 | 29 Tetor 2018
Trina Galanxhi

Ngjarja në Bularat të Gjirokastrës, ku mbeti i vrarë 35-vjeçari Kostandinos Kacifas pasi qëlloi me armë ndaj policisë, ka ngjallur reagime nga më të ndryshmet.

Korrespondenti i Top Channel në Athinë, Artur Bibe, i cili po ndjek zhvillimet e fundit në shtetin fqinj pas ngjarjes së Bularatit, bën të ditur se 35-vjeçari Kostandinos Kacifas, i vrarë një ditë më parë pasi qëlloi me armë në drejtim të policisë shqiptare, nuk ka qenë i panjohur nga autoritet e sigurisë në Greqi.

Korrespondenti i Top Channel, raporton se 35-vjeçari ka qenë ndaluar nga policia greke në vitin 2009, si anëtar i organizate kriminale të trafikut të narotikëve. Në atë kohë, policia gjeti një sasi kanabisi në automjetin e tij dhe në shtëpi.

Po ashtu, raportohet se Kacifas ka edhe një dosje tjetër, ku është hetuar për përfshirjen e tij drejt ekstremit të djathtë. Megjithatë, ai vlerësohet nga autoritetet greke se nuk ka qenë ekstremist, por nacionalist.

Mësohet gjithashtu se 35-vjeçari nuk ka qenë anëtar i “Agimit të Artë”, por ka marrë pjesë në protestat e tyre e gradualisht është larguar nga kjo parti./tch/

Shpërndaje në rrjete sociale

Lajmet më të lexuara

Të ngjashme

Foto lajm