“Ka parregullsi në dokumentacion”, rrahin policin, e pësojnë tre vëllezërit në Sarandë

15:07 | 18 Korrik 2023
E.K

Një 45 vjeçar është vënë në prangat e policisë dhe dy vëllezërit e tij janë proceduar penalisht pasi akuzohen se kanë dhunuar një punonjës të policisë Kufitare.

Sipas policisë mësohet se i arrestuari bashkë me vëllezërit e tij kanë rrahur policin, pasi ky i fundit i ka thënë njërit prej vëllezërve se nuk mund të udhëtonte për shkak se kishte parregullsi në dokumentacionin e tij.

“Specialistët për Hetimin e Krimeve të Komisariatit të Policisë Sarandë arrestuan në flagrancë një 45 vjeçar dhe referuan materialet në Prokurori ku nisi procedimi në gjendje të lirë për dy vëllezërit e tjerë. 45 vjeçari bashkë me 2 vëllezërit e tij, në SPK Port Sarandë, ka kundërshtuar dhe goditur për shkak të detyrës punonjësin e Policisë Kufitare, pasi ai i ka komunikuar njërit prej tyre se nuk mund të udhëtonte për shkak se kishte parregullsi në dokumentacionin e tij”, thuhet në njoftimin e policisë./abcnews.al

Shpërndaje në rrjete sociale

Lajmet më të lexuara

Të ngjashme

Foto lajm