Në Shqipëri vdesin çdo ditë 13.5 vetë nga ndotja e ajrit. Organizata Botërore e Shëndetësisë thotë se numri i vdekjeve që i atribuohen ajrit të ndotur në Shqipëri është mesatarisht 5 mijë në vit.
Kjo e rendit Shqipërinë në vendin e 5 në botë me numrin më të lartë të vdekjeve për frymë që shkaktohen nga ndotja e ajrit. Shifrat janë raportuar nga Forumi Ekonomik Botëror.
Sipas Agjencisë Ndërkombëtare të Energjisë, vendi me numrin më të lartë të vdekjeve nga ndotja e ajrit në planet është Gjeorgjia.
Lista pasohet nga Koreja e Veriut. Në vendin e tre dhe të katërt renditen Bosnja dhe Bullgaria, të cilat kanë një tregues vdekjesh nga ndotja e ajrit respektivisht 223.6 dhe 174.8 persona për 100 mijë banorë.
Pas tyre renditet Shqipëria. Sipas Agjencisë Botërore të Energjisë, ndotja e ajrit në Shqipëri vret 171.4 persona në çdo 100 mijë vetë. Arsyeja kryesore është industria energjetike, veçanërisht ajo e naftës, e cila mendohet se shkakton 44 për qind të emetimit të gazrave serë.
Të dhënat e Institutit të Shëndetit Publik tregojnë se me këto shifra ndotja e ajrit vret më shumë se sa SIDA, tuberkulozi, aksidentet rrugore dhe tumoret të marra së bashku.
Në rastin e Shqipërisë, ndotja e madhe e ajrit është e lidhur kryesisht me mungesën e kontrollit shtetëror mbi kompanitë ndotëse.
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite