Një shtetas shqiptar, i arratisur një ditë më parë nga një burg i Italisë, është arrestuar këtë të hënë nga forcat e rendit të vendit fqinj.
Sipas mediave italiane, bëhet fjalë për shtetasin Lekë Luca, bashkë me të cilin nga burgu në Çivitavekia u arratis edhe një person tjetër, edhe ai shtetas shqiptar.
Në hetimet për lokalizimin e tij u angazhuan agjentët e Njësisë Qendrore të Hetimeve, një strukturë që funksionon pranë policisë së burgjeve.
Luca është lokalizuar nga agjentët në një kasolle jo shumë larg burgut prej nga ishte arratisur. Ai është vënë re nga pronari i kasolles, një ish-pjesëtar i forcave të rendit që ka telefonuar më pas policinë.
Ndërkohë, hetuesit po vazhdojnë kërkimet për shqiptarin e dytë, Osvaldo Marku, i cili rezulton të jetë ndarë nga Luca pas arratisjes nga qendra e burgimit. Për kapjen e tij janë angazhuar njësi të shumta policore.
Mësohet se ndarja mes dy të dënuarve erdhi për shkak se pas kapërcimit të murit, Luca ka pësuar dëmtime dhe nuk ka mundur të vazhdojë.
Ministria e Mbrojtjes: Rreth 6500 vullnetarë rekrutohen në U...
Vengu: Regjimenti i Operacioneve Speciale, pjesë e stërvitje...
Kurti do të marrë pjesë në Forumin e Sigurisë së Varshavës
Ministrja Haxhiu inkurajon gratë të ndjekin rolet udhëheqëse
UEFA publikon formacionin e javës së parë të Champions Leagu...
Institutit i Krimeve të Luftës dhe ASK nënshkruan memorandum...