Ish-deputeti Ervin Salianji flet për vrasjet gjatë ditës së sotme: Tregues i degradimit të shtetit

22:11 | 27 Prill 2020
Arbresh.info

Ish-deputeti i Partisë Demokratike, Ervin Salianji ka reaguar rreth dy ngjarjeve që tronditën Lezhën dhe Durrësin këtë të hënë. Sipas ish-deputetit këto ngjarje janë tregues i degradimit të shtetit.

Ai shton se postblloqet e policisë me ushtri dhe mitroloza është një degradim dhe nxirren për të bërë propagandë.

Reagimi i Salianjit:

Katër të vrarë, dy në Lezhë, dy në Durrës në mes të rrugës tregojnë qartë degradimin e rendit dhe sigurisë publike, qesharakëzimin e postblloqeve me polici dhe me ushtri me mitraloza apo policë me syze dhe policë me armë nëpër godina bosh që qeveria i nxjerr për të bërë foto propagande.

Për fat të keq çdo ditë e më shumë keqqeverisja dhe tallja me show po merr jetë njerëzish, po falimenton biznese dhe po shkakton trauma për qytetarët.

Sot kushdo e kupton që masat e qeverisë janë për të izoluar të varfërit, qytetarët që respektojnë ligjin , bizneset e ndershme, ndërkohë që kriminelët me armë lëvizin lirshëm dhe vrasin ditën për diell.

Shpërndaje në rrjete sociale

Lajmet më të lexuara

Të ngjashme

Foto lajm