Google ADS

Ish-deputeti Bardh Spahia mbërrin në gjykatën e Shkodrës, policia blindon ndërtesën

10:35 | 22 Qershor 2019
Arbresh.info

Ish-deputeti demokrat, Bardh Spahia ka mbërritur në ambientet e gjykatës së Shkodrës.

Të gjithë kolegët e grupit janë në Shkodër në mbështetje të Bardh Spahisë.

Po ashtu para gjykatës vihen re dhe mbështetës të opozitës.

Ndërkohë ka dhe prani të konsiderueshme të forcave të policisë. Rreth 70 policë ndodhen para gjykatës, mes tyre edhe efektivë të FNSH-së.

Spahia u arrestua mbrëmjen e 20 qershorit pasi u akuzua se kishte marrë pjesë në trazirat që ndodhën para KZAZ të ngritur në shkollën “Shejnaze Juka” ku u dogjën materialet zgjedhore.

Edhe mbrëmë pas mbylljes së protestës së opozitës para Kryeministrisë, qytetarët e ardhur nga Shkodra me në krye kryebashkiaken Voltana Ademi e zhvendosën protestën e tyre para Drejtorisë së Policisë ku kërkuan lirimin e ish-deputetit të këtij qyteti Bardh Spahia./oranews

Shpërndaje në rrjete sociale

Lajmet më të lexuara

Të ngjashme

Foto lajm