Google ADS

Ilir Meta shpreh ngushëllimet për Robert Elsien

21:48 | 2 Tetor 2017
Trina Galanxhi

Presidenti Ilir Meta dërgoi një mesazh ngushëllimi për ndarjen e papritur nga jeta të albanologut të mirënjohur, Robert Elsie.

“Ikja e pakthim e këtij albanologu të shquar, përkthyes, hulumtues, studiues i palodhur i letërsisë dhe folklorit shqiptar dhe njëherazi mik i sinqertë e i çmuar i kombit tonë, është një humbje e madhe për letrat dhe kulturën shqipe”, shkruan kreu i shtetit.

Meta i shpreh ngushëllimet familjes së albanologut për humbjen e të dashurit të tyre.

“Doktor Elsie na la pas një trashëgimi të jashtëzakonshme, një numër të konsiderueshëm librash dhe shkrimesh dedikuar letërsisë, histories, albanologjisë dhe kulturës kombëtare shqiptare. E gjithe bota akademike shqiptare dhe të gjithë shqiptarët kudo gjenden, i mbetemi përjetë mirënjohës këtij njeriu që shkëlqeu përmes punës së palodhur, modestisë fisnike, dhe qe e deshi e nderoi kombin tonë përmes veprës e fjalës”, mbyll mesazhin e tij Presidenti i Shqipërisë.

Shpërndaje në rrjete sociale

Lajmet më të lexuara

Të ngjashme

Foto lajm