Google ADS

Ilir Meta e Fatmir Limaj takojnë trupat speciale të Kosovës në Thumanë

09:00 | 27 Nëntor 2019
Arbresh.info

Presidenti i Republikës së Shqipërisë, Ilir Meta ka qenë në mesnatë në Thumanë bashkë me Zv.Kryeministrin në detyrë të Kosovës, Fatmir Limaj ku kanë takuar njësitë e specializuara të emergjencës së Kosovës që po u ndihmojnë banorëve të prekur nga tërmeti në këtë zonë.

Meta i ka falënderuar njësitet e specializuara të emergjencës nga Kosova për profesionalizmin dhe gatishmërinë e lartë si dhe për kurajon e pashembullt.

“Në mesnatë, së bashku me Zv.Kryeministrin në detyrë të Kosovës, z.Fatmir Limaj, pata kënaqësinë të takoja në Thumanë, njësitë e specializuara të emergjencës së Kosovës që po ndihmojnë banorët e kësaj zone të dëmtuar shumë rëndë nga tërmeti. I falenderova me mirënjohje për solidarizimin, profesionalizmin dhe gatishmërinë e lartë, si dhe për kurajon e pashembullt që po na dëshmojnë, duke na bërë krenarë të gjithëve! FALEMINDERIT KOSOVË E DASHUR!”, shkruan presidenti Meta.

Shpërndaje në rrjete sociale

Lajmet më të lexuara

Të ngjashme

Foto lajm