Babai i Antoneta dhe Gladiola Hatillarit, dy motrave binjake nga Fieri që u dhunuan nga një person për shkak se ishin në protestën e Partisë Demokratike, i ka bërë apel Tahirit që të arrestojë agresorin. Sipas tij, mazhoranca ka rënë poshtë për dy vota.
“Qeveria duhet të kapë kriminelin. I bëj apel Tahirit pasi ka 10 mijë police! Mos na trego përralla me mbret, po shko kap kriminelët! Çfarë faji kishin bërë 2 vajzat e mija, vetëm se erdhën në protestë. Vajzat e mija janë dhunuar për 2 vota. Kaq poshtë kemi rënë?”, tha ai.
Rasti në fjalë u denoncua më herët nga kreu i PD-së, Lulzim Basha që vuri edhe ultimatum për Policinë që të kapë autorin deri në orën 24:00.
“Dje bandat sulmuan dy vajza 29-vjeçare nga Fieri që ishin në protestë. Keni afat deri në orën 24:00 për arrestimin e autorit që është publikisht i njohur për ju! Arrestojeni ose merrni parasysh pasojat! Bandat dhe banditët e kurdisur dhe të paguar nga qeveria e krimit që të godasin qytetarët vetëm e vetëm për bindjet e tyre politike. Ky është fundi i republikës së krimit” – tha Basha.
Një vit nga sulmi, Manastiri i Bajnskës mbyllet nga 23 deri ...
Nis seanca plenare në Kuvend, mbahet një minutë heshtje në n...
Posta e Kosovës paralajmëron qytetarët për mashtrime me SMS:...
Granit Xhaka e Leverkuseni nisin sot aventurën në Champions ...
Putin: Rusia po rrit prodhimin e dronëve
I jepet lamtumira e fundit ish-deputetit, Gert Bogdanit