Google ADS

Hyn për të vjedhur në banesë, kapet brenda nga policia

09:28 | 4 Maj 2019
Arbresh.info

Një 23-vjeçar me inicialet D.K, i cili kishte përfunduar vetëm një javë më parë dënimin me burg për vjedhje, është kapur në flagrancë duke vjedhur në një banesë.

Mësohet se 23-vjeçari në orët e para të mëngjesit të sotëm, ka tentuar t’i vjedhë banesën shtetasit Gj.K., banues në Lezhë, duke hyrë nga dritarja, por është konstatuar nga i zoti i banesës, i cili ka njoftuar menjëherë policinë.

Falë reagimit të menjëhershëm të forcave policore pas marrjes se njoftimit, u bë e mundur kapja dhe arrestimi në flagrancë i këtij shtetasi, në një prej dhomave të banesës së shtetasit Gj.K, ku gjatë kontrollit fizik Policia i gjeti edhe një thikë.

Materialet për veprime të mëtejshme i kaluan Prokurorisë Pranë Gjykatës së Shkallës së Parë Lezhë për veprat penale “Vjedhja” dhe “Prodhimi dhe mbajtja pa leje e armëve të ftohta”./tch

Shpërndaje në rrjete sociale

Lajmet më të lexuara

Të ngjashme

Foto lajm