Humb jetën 22-vjeçarja në Durrës, u përplas mbrëmjen e djeshme nga një automjet

20:36 | 21 Qershor 2023
Orgesa Haziri

Një 22-vjeçare ka humbur jetën pas përplasjes nga një automjet natën e së martës në Durrës.

Lajmi u bë i ditur nga policia vendore. Mbrëmjen e djeshme rreth orës 21:45, në lagjen nr.17/1, në zonën e ish-kënetës në Durrës, shtetasi I. U., 24 vjeç, duke drejtuar automjetin e tij ka aksidentuar shtetasen E. A., 22 vjeçe, e cila u dërgua në spitalin rajonal Durrës ku ndodhej nën kujdesin e mjekëve.

Për shkak të dëmtimeve të marra, e reja ka humbur jetën ditën e sotme, në spital.

Specialistët e Qarkullimit Rrugor të DVP Durrës, menjëherë pas aksidentit bënë arrestimin e shtetasit I. U., 24 vjeç, banues në Durrës, për veprën penale “Shkelja e rregullave të qarkullimit rrugor”.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme./tch/

Shpërndaje në rrjete sociale

Lajmet më të lexuara

Të ngjashme

Foto lajm