Google ADS

Hoxha takoi kryetarin e Prezencës së OSBE-së, flasin për procesin zgjedhor

23:27 | 26 Shtator 2024
E.G

Ministri i Punëve të Brendshmë të Shqipërisë, Ervin Hoxha është takuar sot kryetarin e Prezencës së OSBE-së në Shqipëri, Michel Tarran.

Në një postim në Facebook, Hoxha tha se kanë diskutuar për projektet që janë zbatuar dhe për projektet e reja në fushën e sigurisë gjatë sezoneve turistike, trajnimin e Njësive Alpine për ndërhyrje në raste fatkeqësish natyrore dhe edukimin e të rinjve për t’u qëndruar larg dukurive e aktiviteteve kriminale, shkruan Arbresh.info.

Në takim Hoxha theksoi se përfshirja për herë të parë e shtetasve shqiptarë që jetojnë jashtë Republikës së Shqipërisë në procesin e ardhshëm zgjedhor ishte gjithashtu një temë e rëndësishme e diskutimit të përbashkët.

“I shpjegova Ambasadorit Tarran detyrimet që ka Ministria e Brendshme dhe institucionet në varësi të saj, në zbatim të Kodit Zgjedhor. Gjithashtu, vlerësova bashkëpunimin dhe ndihmën e vazhdueshme të OSBE-së lidhur me trajnimet për procesin zgjedhor.”, ka shkruar ai./Arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm