Google ADS

Hoxha: Sot do t’i përcjell Qeverisë kandidaturën për kreun e Policisë së Shtetit

12:25 | 30 Shtator 2024
E.G

Ministri i Brendshëm, Ervin Hoxha deklaroi se do t’i përcjellë ditën e sotme Këshillit të Ministrave kandidaturën për Drejtorin e Përgjithshëm të Policisë së Shtetit.

Në një prononcim për mediet, ministri Hoxha theksoi se, Ministria e Brendshme do të publikojë sot renditjen e kandidatëve për drejtorin e Policisë në faqen zyrtare.

Hoxha u shpreh se, “ky proces ishte shumë konkurrues, në bazë të meritave dhe të integritetit, i monitoruar nga dy misionet që asistojnë Policinë e Shtetit”.

Sot, shtoi Hoxha, “Ministria e Brendshme do të publikojë renditjen në faqen e saj zyrtare dhe unë do t’i përcjell kryeministrit, Këshillit të Ministrave, kandidaturën për Drejtor të Përgjithshëm”./atsh.al

Shpërndaje në rrjete sociale

Lajmet më të lexuara

Të ngjashme

Foto lajm