Holandë, kapen 3 shqiptarë me 6.5 kg heroinë në Roterdam

01:03 | 6 Mars 2018
Trina Galanxhi

Policia e Roterdamit në Holandë ka arrestuar tre shqiptarë, mes tyre dhe një grua, të cilët akuzohen për trafik të lëndëve narkotike.

Sipas medias lokale, policia ishte vënë në ndjekje të një makine të dyshimtë, e cila ishte parkuar poshtë një pallati. Në një moment pranë kësaj makine është afruar një makinë me targa franceze.

Automjeti drejtohej nga një shqiptar dhe në momentin që u nis drejt autostradës, policia e ndaloi, ku nga kontrolli u gjetën 6.5 kg heroinë. Në pranga ka rënë drejtuesi i mjetit, një shqiptar rreth 45 vjeç, emri i të cilit nuk bëhet i ditur.

Policia vendosi të kontrollojë edhe dhe dy banesa të tjera, ku u gjetën dhe 700 gr kokainë si dhe një armë zjarri me fishekë.  Sipas policisë, u arrestuan edhe dy shqiptarë të tjerë, një grua 23 vjeçe dhe një burrë 45 vjeç./gsh/

Shpërndaje në rrjete sociale

Lajmet më të lexuara

Të ngjashme

Foto lajm