Google ADS

Historia e një unaze, argjendari që vazhdon traditën e punës me dorë në Elbasan

00:59 | 2 Janar 2019
Arbresh.info

Të paktë janë zanatçinjtë që i kanë mbetur Shqipërisë. Zhvillimi industrial tashmë ka zëvendësuar çdo gjë, ndërsa puna me dorë kërkon pasion, përkushtim dhe shumë punë. Ne zgjodhëm sot të bëjmë një unazë tek një argjendar në Elbasan, i cili vazhdon të punojë me pasionin e madh, por me metodën e vjetër.

“Kam 25 vite që punoj. Kam mbajtur familjen, nuk jam pasanik, por bëj gjumin e qetë”, thotë argjendari Xhaferr Hasa.

Një unazë në gisht nuk tregon vetëm historinë tënde, pas saj fshihen orë të gjata pune, frymëzimi, por edhe përkushtimi. Tek ajo unazë, agjendari shkruan historinë tënde. Kjo është arsyeja pse ka ende njerëz që zgjedhin punimet me dorë, ato punime që flasin.

Pavarësisht se është një punë e lodhshme, Xhafa ja ka lënë zanatin edhe të birit, sepse ai vazhdon të jetë i dashuruar me historitë që çdo unazë fsheh.

 

Shpërndaje në rrjete sociale

Lajmet më të lexuara

Të ngjashme

Foto lajm