Google ADS

Hetimi për impiantet e plehrave, Rama: Përfshirësit duhet të marrin ndëshkimin e merituar

09:46 | 16 Shkurt 2022
A. B.

Kryeministri i Shqipërisë, Edi Rama është shprehur se nuk shqetësohet nëse hetimi rreth impianteve të djegies së plehrave, të njohur si incineratorët, mund të nxjerrë emra të ministrave apo ish-ministrave të Qeverisë.

Në një interviste për Zërin e Amerikës, Rama ka theksuar se reforma në drejtësi është bërë pikërisht për raste të tilla të korrupsionit.

Ai ka shtuar se të gjithë zyrtarët që “kanë ngjyer gishtin apo dorën” në një proces, duhet të marrin ndëshkimin e merituar.

“Unë e kam thënë se reforma në drejtësi bëhet për një drejtësi të drejtë, as të majtë as të djathtë. Nga ana tjetër përgjegjësia për rolin e çfarëdo qoftë në jetën publike është një përgjegjësi individuale”, ka thënë Rama.

Në Shqipëri po kryhen dy hetime paralele për dyshime mbi abuzime fondesh dhe korrupsion në ndërtimin dhe operimin e inceneratorëve të Tiranës, Fierit dhe Elbasanit. Hetimet por kryen nga një Komision Hetimor Parlamentar dhe nga Prokuroria e Posaçme, i njohur si SPAK. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm