Ministri për Evropë dhe Punë të Jashtme i Shqipërisë, Igli Hasani ka pritur sot në Tiranë homologun e tij nga Bosnje e Hercegovina, Elmedin Konakovci.

Përmes një postimi në platformën X, Hasani ka bërë të ditur se me Konakovcin kanë diskutuar për forcimin e lidhjeve mes dy vendeve si dhe për fusha të ndryshme me interes të përbashkët, përcjell Arbresh.info.

Mes tjerash, ministri Hasani theksoi se rihapja e ambasadave është një hap i rëndësishëm.

“Një kënaqësi për të mirëpritur homologun tim @DinoKonakovic për në Tiranë. Ne patëm një diskutim të sinqertë dhe të hapur për forcimin e lidhjeve dypalëshe, adresimin e zhvillimeve rajonale dhe ndërkombëtare dhe zgjerimin e bashkëpunimit tonë në fusha të ndryshme me interes të përbashkët. Rihapja e ambasadave tona shënon një hap të rëndësishëm drejt këtyre synimeve. Shpreha mbështetjen e plotë të Shqipërisë për integritetin territorial dhe sovranitetin e Bosnjë-Hercegovinës”, shkroi Hasani./Arbresh.info

A pleasure to welcome my 🇧🇦 counterpart @DinoKonakovic to Tirana.

We had a frank and open discussion on enhancing bilateral ties, addressing regional and international developments, and expanding our cooperation across various areas of mutual interest. Reopening our embassies… pic.twitter.com/0J11RRNi7c

— Igli Hasani (@IgliHasani) July 29, 2024