Google ADS

Hasani, takime me homologë në Forumin Strategjik të Bledit

13:48 | 3 Shtator 2024
E.G

Gjatë Forumit Strategjik të Bledit në Slloveni, ministri për Evropën dhe Punët e Jashtme të Shqipërisë, Igli Hasani u takua me zëvendëskryeministren dhe ministren e Punëve të Jashtme dhe Diasporës të Republikës së Kosovës, Donika Gërvalla-Schwarz, ministrin e Shtetit për Evropën të Mbretërisë së Bashkuar,Stephen Doughty, drejtoren e Agjencisë për të Drejtat Themelore të BE-së Sirpa Rautio dhe shefin e Evropës dhe Euroazisë të Forumit Ekonomik Botëror, Andrew Caruana Galizia.

Diskutimet u fokusuan në zhvillimet rajonale, bashkëpunimin ekonomik dhe përshpejtimin e procesit të integrimit të Ballkanit Perëndimor në Bashkimin Evropian.

Ministri Hasani theksoi përkushtimin e Shqipërisë për zbatimin e rekomandimeve të Agjencisë së Bashkimit Evropian për të Drejtat Themelore si një aspekt thelbësor të raporteve të Komisionit Evropian./atsh/

Shpërndaje në rrjete sociale

Lajmet më të lexuara

Të ngjashme

Foto lajm