Ministri për Europën dhe Punët e Jashtme të Shqipërisë, Igli Hasani mori pjesë në darkën transatlantike të organizuar nga Sekretari Amerikan i Shtetit, Antony Blinken, gjatë Asamblesë së Përgjithshme të OKB-së.
Hasani vlerësoi se lidhja transatlantike është më e fortë se kurrë, ndërsa rikonfirmoi angazhimin e përbashkët ndaj demokracisë, të drejtave të njeriut, sigurisë, paqes dhe prosperitetit.
Ai shprehu mirënjohjen ndaj Sekretarit Blinken për kontributin në forcimin e kësaj lidhje.
Ministri Hasani ndodhet në Nju York ku po merr pjesë në një sërë aktivitetesh, në kuadër të Javës së Nivelit të Lartë të Asamblesë së Përgjithshme të OKB-së ( 22 – 30 shtator 2024).
Prioritetet e Shqipërisë, gjatë sesionit të 79 të Asamblesë të Përgjithshme të OKB-së janë në përputhje me kontributin e dhënë gjatë periudhës së anëtarësimit në Këshillin e Sigurimit (2022-2023) dhe përfshijnë promovimin e multilateralizmit, mbështetjen për Axhendën 2030 dhe Objektivat e Zhvillimit të Qëndrueshëm të OKB-së./atsh
Përmbytje dhe rrëshqitje të tokës në Nepal, 66 viktima e dhj...
Aksident në Vlorë, lëndohet një person
Kurti bën homazhe të varret e vëllezërve Bytyqi: Janë dëshmi...
Ligji për Paga e parasheh pagën më të ulët 240 euro, kërkohe...
Qytetarët thonë se çmimet janë të papërballueshme, krahasuar...
Juventusi rikthehet tek fitoret dhe mposht Genoan në udhëtim