Pas arrestimit të Rexhep Rrajës, djalit të deputetit socialist Rahman Rraja, ka dalë edhe komunikata zyrtare e policisë. Ndonëse Rraja ka dhunuar dhe abuzuar me ish-të dashurën e tij Xhisela Maloku, për habinë e të gjithëve, akuza zyrtare duket të jetë vetëm ajo e “përndjekjes”.
Në komunikatën e policisë, e publikuar më poshtë thuhet se shtetasi Rexhep Rraja “akuzohet për veprën penale ‘Përndjekja’ parashikuar në nenin 121/a të Kodit Penal”.
Njoftimi i Policisë:
“Specialistët e Komisariatit të Policisë Krujë në bashkëpunim me Forcat Operacionale të Drejtorisë Vendore të Policisë Durrës bënë kapjen me qëllim ekzekutimin e Urdhrit të Prokurorisë Krujë mbi bazën e Vendimit të Gjykatës së Rrethit Gjyqësor Krujë, nr.189 dt. 29.09.2018, e cila ka vendosur masën e sigurisë ‘Arrest me burg’ për shtetasin Rexhep Rraja 24 vjeç, banues në Krujë.
Ai akuzohet për veprën penale ‘Përndjekja’ parashikuar në nenin 121/a të Kodit Penal. Materialet i kaluan Prokurorisë së Rrethit Gjyqësor Krujë për veprime të mëtejshme”, thuhet në një reagim zyrtar të Policisë.
Zbulohet lista e lojtarëve më të shpejtë në Ligën Premier – ...
Izraeli dërgon më shumë trupa në veri të Gazës, vazhdon oper...
Një person në Shtime lëndohet me burgi derisa po punonte në ...
Haddad: Franca vend mik i Kosovës, do të mbështesim zhvillim...
Gjuriq: Serbia nënshkroi letrën mbështetëse për Guterresin
Princi Harry dhe Meghan Markle blenë një shtëpi në Europë