Greqia përgatit 500 mln euro investim për të kërkuar naftë dhe gaz në Detin Jon

21:22 | 2 Dhjetor 2018
Trina Galanxhi

Kërkime serioze për naftë dhe gaz në detin Jon do të nisin në 7-8 vitet e ardhshme nga kompanitë greke. Sipas mediave të vendit fqinj, rreth 500 milion euro do të investohen në këto projekte.

Lajmin e deklaroi Presidenti dhe Drejtori Ekzekutiv i Menaxhimit të Hidrokarbureve, Yannis Bassias, në një intervistë për gazetën greke Kathimerini.

Ky i fundit u shpreh, se me teknologjinë e re që do përdoret, do të bëhen shpime deri në thellësi më të mëdha se 3000 metra.

Ndërkohë testet do të kryhen në thellësitë e detit Jon dhe të Kretës.

Bassias shtoi, se janë duke u bërë hulumtime edhe në detin Mesdhe, midis Qipros dhe Egjiptit, si edhe në Detin e Zi.

Sipas Kathimerinit, pritet që parlamenti grek të ratifikojë kontratat e licensimit, për eksplorimin e hidrokarbureve në detin Jon, në perëndim dhe në very-perëndim të Kretës, konsorcium ky i ‘Hellenic Petroleum’ dhe ‘REPSOL’.

Shpërndaje në rrjete sociale

Lajmet më të lexuara

Të ngjashme

Foto lajm