Gjykata e Posaçme i cakton masën e sigurisë arrest ne burg Gëzim Çelës. Seanca është zhvilluar me dyer te mbyllura, ndërsa Çela nuk ka pranuar të japë sqarime.

Avokati i Gazim Çelës ka kërkuar masën e sigurimit arrest në shtëpi me argumenti se nuk ka prova që ta lidhin atë me trafikun e drogës gjatë operacionit “Flakë në Det”.

Ai u arrestuar në dhjetor të 2023 në fshatin Dardani të Ferizajt nën shoqërinë e dy vajzave. Me të ishte dhe personi, i cili e ka strehuar për një kohë në shtëpinë e tij në një fshat të Vitisë.

Gjatë kontrollit nga Policia e Kosovës në të njëjtën shtëpi u gjet dhe sekuestrua një kallashnikov me 15 fishekë. 55-vjeçari, i konsideruar si një prej kokave më të mëdha të trafikut të kokainës dhe heroinës në Evropë, ishte shpallur në kërkim nga SPAK në operacionin “Flakë në Det” në 9 tetor 2023, pas disa muajsh hetime ku më 15 gusht u godit një grup kriminal, i cili tentoi të shkëmbej lëndë narkotike në mes të detit.

SPAK dhe Policia e Shtetit në operacionin “Flakë në Det” nga zbërthimi i telefonave konfirmuan përfshirjen e Gëzim Çelës dhe ish-shefit të Komisariatit të Kurbinit, Dritan Metaj.

Sakaq, Gëzim Çela u ekstradua të enjten nga Kosova drejt Shqipërisë. Ai ka shprehur vullnetin personal për t’u ekstraduar drejt vendit tonë dhe tani do të përballet me akuzat/ abcnews.al