Gjykata e Lartë rrëzon kërkesën e Tahirit për pezullimin e dënimit me burg

15:47 | 9 Qershor 2022
A. B.

Gjykata e Lartë në Shqipëri rrëzoi kërkesën e ish-ministrit të Brendshëm, Saimir Tahiri, për pezullimin e dënimit me burg.

Në prill të këtij viti, Tahiri kërkoi lirimin nga burgu i Fierit pasi sipas tij vendimi i Apelit është marrë në kundërshtim me ligjin.

Në rekursin e bërë nëpërmjet avokatit të tij në gjykatën e lartë Saimir Tahiri shprehet se Gjykata nuk ka vepruar drejt sepse e ka dënuar jashtë kompetencave te saj”.

Sipas ish ministrit të Brendshëm dhe mbrojtësit të tij Tahirit i rrezikohet jeta, ndërsa familja e tij është ekspozuar ndaj eksponentëve të krimit.

Në shkurt, Gjykata e Posaçme e Apelit dënoi me 3 vjet e 4 muaj burg ish-ministrin e Brendshëm, Saimir Tahiri, për shpërdorim detyre. Gjykata vendosi të lërë në fuqi vendimin e shkallës së parë, me ndryshim, moszbatimin e shërbimit të provës.

Të njëjtin vendim me 3 vite e 4 muaj burg mori dhe ish-drejtori i policisë së Vlorës Jaeld Çela. /A2 CNN/

Shpërndaje në rrjete sociale

Lajmet më të lexuara

Të ngjashme

Foto lajm