Google ADS

Gjirokastër, shkëmbi rrezikon banesat, evakuohen 20 persona

17:50 | 8 Mars 2018
Arbresh.info

20 banorë në Tërbuq të Gjirokastrës u evakuuan gjatë natës, pasi një masiv shkëmbor që ndodhet në kodrën mbi fshat, rrezikon të shembet.

Situata është përkeqësuar pas rrëshqitjes masive të dherave, si pasojë e reshjeve të dendura të shiut që kanë dëmtuar bazamentin e shkëmbit.

Sipas banorëve, rrëshqitja e madhe e dheut ka dëmtuar edhe ujësjellësin e fshatit.

Banorët e fshatit thonë: “E kemi ngritur zërin, por nuk kemi arritur që ta thërrmojmë. Shkëmbi është 100 metra larg. Ne kemi edhe burimin e ujit këtu afër dhe ka dalë jashtë funksionit”.

Bashkia e Gjirokastrës ka nisur ndërkohë procedurat e tenderimit për shkatërrimin e shkëmbit, por ende nuk ka një afat kohor për nisjen e ndërhyrjes. Rrëshqitjet e tokës në Gjirokastër, si në qytet, ashtu edhe në zonat rreth saj, kanë qenë të shpeshta që nga fillimi i vitit./Top Channel

Shpërndaje në rrjete sociale

Lajmet më të lexuara

Të ngjashme

Foto lajm