Si rezultat i dëgjimit, ekzaminimit dhe vlerësimti të dëshmitarëve, ekziston mundësia se Schaefer mund të jetë vetëvrarë.
Ministri i Financave të rajonit Hessen në Gjermani, Thomas Schaefer është gjetur i vdekur, transmeton Anadolu Agency (AA).
Në një deklaratë të përbashkët me shkrim nga Prokuroria në Wiesbaden dhe Drejtoria e policisë Westhessen, thuhet se në zonën pranë shinave hekurudhore të linjës së trenit të shpejtë në qytetin Hochheim është gjetur trupi i pajetë i një personi.
“Për shkak të shenjave të plagëve në trupin e personit të vdekur nuk ka qenë i mundur identifikimi i menjëhershëm”, thuhet në deklaratën ku shtohet se Drejtoria e policisë Westhessen ka identifikuar se trupi i përket Thomas Schaefer (54), ministrit të Financave të rajonit Hessen.
Si rezultat i dëgjimit, ekzaminimit dhe vlerësimti të dëshmitarëve, ekziston mundësia se Schaefer mund të jetë vetëvrarë.
Kryeministri i rajonit Hessen, Volker Bouffier në një deklaratë nga llogaria e tij në Twitter i ka shprehur ngushëllime familjes Schaefer. Ai ka thënë se ende nuk besojnë se ministri ka humbur jetën në mënyrë të menjëhershme dhe të papritur.
Schaefer ishte i martuar dhe baba i dy fëmijëve. Që nga viti 2010 ai ushtronte detyrën e ministrit të Financave të rajonit Hessen. Sipas shtypit gjeman, Schaefer, shihej si një nga kandidatët që mund të kalonte në vendin e Bouffier, kryeministrit të rajonit.
Ish-dizajneri i Apple së shpejti prezanton një lloj të ri te...
Rama flet në samitin e OKB-së: Shqipëria vend i vogël, por k...
Liga e Parë/ Rezultatet dhe tabela pas përfundimit të javës ...
Osmani në West Point: Ushtarët amerikanë, simbol i lirisë pë...
Shqiptarët e Luginës marshojnë nesër kundër diskriminimit
Haaland barazon rekordin e Cristiano Ronaldos