Gjenden pjesë trupi të njeriut të dekompozuar në Sarandë

23:14 | 14 Nëntor 2023
E.H

Një pjesë trupi e dekompozuar njeriu raportohet të jetë gjetur mbrëmjen e kësaj të marte në Xarrë të Sarandës.

Dyshimet e para janë se mbetjet trupore mund t’i përkasin një prej dy personave të zhdukur në Prill të këtij viti, 46-vjeçarëve Leonard Thodhorit dhe Fatmir Sulovarit (Krasniqi).

Siç raporton tvklan.al, e gjithë zona është rrethuar nga policia, e cila po kryen veprimet e nevojshme.

Autoritetet mësohet se janë pozitivë për faktin se nga pjesa trupore e gjetur do të mund kryejnë analizat e ADN-së, me qëllim identifikimin e tij.

Megjithatë, grupi hetimor është i rezervuar në dhënien e detajeve.

Leonard Thodhori dhe Fatmir Sulovari (Krasniqi) u zhdukën në mënyrë misterioze në Prill të këtij viti, nga Çuka e Sarandës. Dyshimet e hetuesve janë se ata u rrëmbyen e më pas u vranë. Në kohën kur u zhdukën, autoritetet bënë kontrolle në Xarrë, Vrinë dhe Shëndëlli, por pa mundur të zbulonin fatin e tyre.

Shpërndaje në rrjete sociale

Lajmet më të lexuara

Të ngjashme

Foto lajm