Google ADS

Futet në burg protestuesi që i lëshoi këpucën Edi Ramës

12:47 | 7 Dhjetor 2018
A. B.

Nëse protestoni mund të shkoni në burg, sidomos kur protestën tuaj e drejtoni nga kryeministri i vendit Edi Rama.

I tillë është fati i qytetarit nga zona e Astirit, i cili disa ditë më parë i lëshoi një këpucë kryeministrit Rama, gjatë vizitës së këtij të fundit në ambientet e spitalit të Traumës, vizitë e cila u bë për të parë më nga afër oficerët e dëmtuar të policisë gjatë protestës që u zhvillua përballë parlamentit muajin e kaluar.

Gjykata e Apelit ka lënë në fuqi masën e sigurisë arrest me burg me afat 30 ditë për shtetasin Iljaz Karitaj, personi që i lëshoi një këpucë kryeministrit, teksa ky i fundit fliste për median.

50 vjeçari ndodhej në ambientet jashtë spitalit të traumës në Tiranë dhe me të parë kryeministrin që po fliste, tentoi ta godasë me këpucë, një formë e protestës që shumë shpejt u “neutraliza” pasi dhjetëra force policie më pas e ndaluan dhe e futën në furgon.

 

Shpërndaje në rrjete sociale

Lajmet më të lexuara

Të ngjashme

Foto lajm