Google ADS

Forca e Ligjit nxjerr emrat, njëri nip i “Ben Qimes” dhe tjetri mjeshtër për falsifikim dokumentesh

13:53 | 9 Mars 2020
L G

Operacioni Forca e Ligjit i ka dërguar sot formularin Zaim Tafës për deklarimin e pasurisë.

Në vitin 2016 Zaim Tafa është dënuar nga gjykata e Fierit me masën e sigurisë “Arrest me burg” për veprat penale të “Shpërdorimit të detyrës” dhe “Falsifikim të dokumenteve”.

Po sot, OFL i ka dërguar formularin dhe Ahmet Isufajt i cili ka vetëm 48 orë për procedurat me shkrim.

Isufaj rezulton i dënuar nga Gjykata Themelore e Prishtinës për veprat penale “Krim i organizuar” dhe “Blerje, posedim, shpërndarje dhe shitje e paautorizuar e narkotikëve të rrezikshëm”, parashikuar nga Kodi Penal i Republikës së Kosovës.

Sipas informacioneve, ai ka lidhje familjare me biznesmenin fierak Arben Isufaj. Ky i fundit njihet ndryshe si “Ben Qimja” dhe mësohet të jetë nipi i Ahmet Isufajt. “Ben Qimja” nuk gëzon një “nam” të mirë në Fier sepse njihet për të shkuarën e tij kriminale./albeu.com/

Shpërndaje në rrjete sociale

Lajmet më të lexuara

Të ngjashme

Foto lajm