Zëvendëspresidenti i Partive Popullore Evropiane (PPE) dhe kryetar i komisionit të Jashtëm në Parlamentin Europian (PE), David McAllister dhe europarlamentari për Shqipërinë, Knut Fleckenstein vizitojnë të martën Tiranën në përpjekje për uljen e palëve në dialog dhe arritjen e një kompromisi për krizën politike në vend.
Dy eurodeputetët do të kenë një takim të përbashkët me drejtuesit e koalicionit qeverisës, kryeministrin Edi Rama dhe kryetarin e Kuvendit, Ilir Meta, dhe më pas me kryetarin e Partisë Demokratike të opozitës, Lulzim Basha. Kjo e fundit, prej më shumë se dy muajsh po vijon protestën, pa u tërhequr nga kërkesa për qeveri teknike, si garancia e vetme për zgjedhje të lira dhe të ndershme.
Koalicioni i majtë qeverisës, 10 ditë më parë iu drejtua zyrtarisht së djathtës europiane duke i kërkuar të ndërhyjë për vendosjen e komunikimit me opozitën shqiptare. Ardhja në Tiranë e dy eurodeputëve, përkoi me përshkallëzimin e protestës së opozitës, e cila të hënën doli nga çadra në bulevard dhe protestoi, duke bllokuar disa nga akset kryesore të qarkullimit në vend.
Nënshkruhen dy marrëveshje të grantit për energji efiçiente ...
Përfaqësuesi i Policisë së Kosovës merr pjesë në garat evrop...
Shqipëri/ Dhuna para Kuvendit, nën hetim 7 deputetë demokrat...
Rreziku nga përmbytjet në Shkodër, mblidhet Komisioni i Mbro...
Suhareka do bëhet me stadium të ri, komuna ndanë 13 hektarë ...
10 vjet nga Procesi i Berlinit, diskutohen arritjet, mundësi...